🦠 Бичил биетний тэсвэржилтийн мэдлэг, хандлагыг дээшлүүлэх дэлхийн 7 хоног

Жил бүр дэлхий нийтээрээ “Бичил биетний тэсвэржилтийн мэдлэг, хандлагыг дээшлүүлэх дэлхийн 7 хоног”-ийг тэмдэглэн өнгөрүүлдэг бөгөөд энэ жилийн уриа:

“Act now: Protect our present, secure our future” –
“Яг одоо хэрэгжүүлж эхэлье: Өөрсдийгөө хамгаалцгаая, ирээдүйнхээ аюулгүй байдлыг хангая”

2023 оноос хойш бичил биетний тэсвэржилтийн (AMR) эсрэг арга хэмжээ нь улам бүр иргэд рүү чиглэсэн, оролцоонд тулгуурласан хэлбэрт шилжиж байна. Үүний гол зорилго нь хүнд өвчнийг даван туулсан, эмчилгээний явцдаа бичил биетний тэсвэржилтийн ач холбогдлыг өөрийн биеэр ойлгож мэдэрсэн хүмүүсийн туршлага, дуу хоолойг олон нийтэд хүргэх явдал юм.

Ингэснээр ирээдүйд гарч болзошгүй эрсдэлүүдийг урьдчилан ойлгуулах, антибиотик болон бусад бичил биетний эсрэг эмийг зохистой, хариуцлагатай хэрэглэхийн чухлыг сануулах, цаашлаад дэлхий нийтийн хэмжээнд тулгамдаж буй энэ асуудлын эсрэг бид ямар үйлдэл, өөрчлөлтөөр хувь нэмрээ оруулах боломжтойг уриалж байна.

ДЭМБ-аас дэлхийн улс орнууд, иргэдийг “бичил биетний эсрэг эмийг зохистой хэрэглэх” тухай 1 САЯ АМЛАЛТ өгөх дэлхийн хөдөлгөөнд нэгдэхийг уриалж байгаа бөгөөд та дараах линкээр орж монгол хэлээр танилцан, өөрийн амлалтаа өгөх боломжтой:

👉 https://pledge.antibioticawarenessweek.org/mn/