Жил бүрийн 11 сарын 17-нд дэлхий нийт “Дэлхийн дутуу нярайн өдөр”-ийг тэмдэглэн, дутуу төрөлттэй холбоотой эрсдэл, урьдчилан сэргийлэлт, хүүхдийн эрүүл өсөлт хөгжилд чиглэсэн мэдлэг мэдээллийг олон нийтэд түгээдэг уламжлалтай.
Энэ жилийн арга хэмжээ “Зөв эхлэл, итгэлтэй ирээдүй” уриан дор дэлхий дахинаа зохион байгуулагдлаа.
Интермед эмнэлэг энэхүү өдрийг тохиолдуулан, манай эмнэлэгт төрсөн дутуу нярайн төлөөлөл болсон 10 гаруй хүүхэд болон эцэг эхчүүдийг урьж оролцуулсан бөгөөд “Дутуу нярайн өсөлт, хөгжил, хяналт, сувилгаа” сэдвийн хүрээнд дараах үйл ажиллагааг зохион байгууллаа.
-
Дутуу нярайн өсөлт, хөгжлийн үе шатны талаарх сургалт
-
Хүүхдийн хяналт, үзлэг, зөвлөгөө
-
Дутуу нярайн асаргаа, сувилгааны зөв дадал хэвшүүлэх мэдээлэл солилцох
Энэхүү үйл ажиллагаагаар дамжуулан эцэг эхчүүд туршлага, сэтгэл санаагаа хуваалцаж, хүүхдийнхээ эрүүл өсөлт хөгжилд шаардагдах зөв мэдлэгийг авах боломж бүрдлээ.
