Интермед эмнэлэг нь Олон Улсын магадлан итгэмжлэл болох Joint Commission International (JCI)-ийн ээлжит сургалтыг “Эмнэлгийн тусламж үйлчилгээтэй холбоотой халдвар илрүүлэх тандалт” сэдвээр амжилттай зохион байгууллаа.
Тус сургалтад Улсын болон Хувийн эрүүл мэндийн байгууллагын 150 гаруй клиникийн эмч, халдвар судлаач, чанарын менежер, эмнэлгийн удирдлагууд танхим болон цахим хэлбэрээр идэвхтэй оролцлоо.
Сургалтаар Монгол Улс дах эмнэлгийн тусламж үйлчилгээтэй холбоотой халдварын сэргийлэлт хяналт тандалт:
- Мэс заслын дараах шархны халдварыг илрүүлэх тандалт
- Кесар мэс заслын шархны халдварын тандалт
- Судасны гуурстай холбоотой халдвараас сэргийлэх тандалт
- Шээлгүүртэй холбоотой шээсний замын халдвар илрүүлэх тандалт
- Зохиомол амьсгалын аппараттай холбоотой уушгины хатгаа илрүүлэх тандалт сэдвүүдээр мэдлэг туршлагаа солилцлоо.
