Харшил гэж юу вэ?

Харшил гэж юу вэ?

Ямар нэгэн гадны бодисын эсрэг хүний бие махбодийн дархлалын тогтолцоо хариу урвал өгөхийг ХАРШИЛ буюу АЛЛЕРГИ гэнэ. Дэлхий дахинд харшилтай хүний тоо жилээс жилд өсөн нэмэгдсээр, долоон тэрбум хүний 40 хувь нь харшлаар өвчлөөд буй талаар судлаачид мэдээлсэн. Өндөр хөгжилтэй орнуудад хүн амын 20-30 хувь нь харшлын ринит, 8-10% нь гуурсан хоолойн багтраа, 10-20% нь харшлын гаралтай арьсны төрөл бүрийн өвчтэй болж байна.

Харшлын гаралтай өвчнөөр шаналж буй хүмүүсийн 24%-30% хувь нь ургамлын тоосноос харшилсан байна. Монголын харшил судлаач эмч нарын нийгэмлэгийн хийсэн судалгаагаар манай улсын иргэдийн таван хүн тутмын нэг нь ямар нэг төрлийн харшилтай болох нь тогтоогдсон.

Харшил юунаас үүсдэг вэ?

Харшил үүсгэгчийг тодорхойлж болно. Харшил үүсгэгч буюу аллергенийг тодорхойлохын тулд арьсны сорил, онцгой эсрэг биетийг шинжлэх арга, өдөөгч тестvvд, элиминационны тестvvд, хvйтэн ба халууны тестvvд болон бусад аргуудыг хэрэглэдэг.

Харшил үүсэхэд генийн болон гадаад орчны хүчин зүйлс нөлөөлдөг. Үүнд:

  • Ургамлын тоосонцор
  • Сул шороо, тоос
  • Нар, хэт халуун болон хүйтэн агаар
  • Хоол, хүнс
  • Ахуйн хэрэглээний бодис
  • Гэрийн тэжээвэр амьтан
  • Гоёл чимэглэл

Харшлын сорил гэж юу вэ?

Таны харшлын шинж тэмдгийг арилгахын тулд эмч нар хамгийн түрүүнд таны харшлын шалтгааныг тогтоох шаардлагатай байдаг. Харшлын сорил нь хамгийн зөв мэдээллийг өгөх бөгөөд эмч нар таныг юунд харшилтайг тодорхойлсноор хамгийн тохиромжтой эмчилгээг сонгох боломжийг бүрдүүлж өгдөг. Мөн та харшил өгдөг зүйлээсээ урьдчилан сэргийлэх, зайлсхийх боломжтой болно.

Харшлын сорил нь таныг юунд харшилтай, юунд харшилгүй байна гэсэн мэдээллийг бүрэн нарийн өгч чадна. Та харшлынхаа шалтгааныг мэдэж түүнийг хянаж чадсанаар таны зовуур мэдэгдэхүйц арилах болно. Харшлын зовуур арилснаар тайван нойрсож, өдөр тутмын амьдралдаа хэвийн, үр бүтээмжтэй байх боломжтой болно.

Харшил өвчин байж болох доорх зовуур, шинж тэмдэг илэрсэн бүхий л насны хүмүүс харшлын сорил тавиулахыг зөвлөж байна.

  • Амьсгалын замын шинж тэмдэг: Нүд, хамар, хоолой загатнах, хамар битүүрэх, нус гоожих, найтаах, нулимс гарах, ханиалгах, цээж бачуурах, хэржигнэх, шуугиантай амьсгалах гэх мэт
  • Арьсны шинж тэмдэг: Хэсэг газарт загатнах, улайлттай арьсны тууралт, бүх бие загатнах, бэлцрүүт тууралт гарах, атопийн дерматитийн шинж
  • Бусад шинж тэмдэг: Анафилакси (хүнд хэлбэрийн амь насанд аюултай харшлын урвал), ихэнхдээ ямар нэгэн хоол хүнс хэрэглэсний дараах хэвлийн шинж тэмдэг (гэнэтийн хүчтэй өвдөлт, гүйлгэх), шавьжид хатгуулсны дараах том хэмжээний хавдар гэх мэт

Интермед эмнэлэгт харшлын багц шинжилгээг хийж, мэргэжлийн эмчийн зөвлөгөө өгч байгаа бөгөөд хэрэв танд харшлын ямар нэгэн шинж тэмдэг илэрч байгаа бол “Харшлын багц шинжилгээ”-нд хамрагдаж, өөрт тохирсон оновчтой эмчилгээ хийлгэхийг зөвлөж байна.

7701-1111

Мэдээллийн ажилтан

7700-0103

Яаралтай тусламж

8008-1919

Байгууллагатай холбоотой мэдээллийг

Интермед Эмнэлэг Чингисийн өргөн чөлөө 41, Хан-Уул дүүрэг 15, Үйлдвэр 17040, Улаанбаатар, Монгол улс

Утас Хаяг Хайлт Хэл