Интермед эмнэлэг, Монголын эх барих эмэгтэйчүүдийн эмч нарын холбоо, Ази Номхон далайн болон Малайзын эх барих эмэгтэйчүүдийн эмч нарын холбоо хамтран эх барихын тусламж үйлчилгээний чанарыг сайжруулах зорилгоор “Эх барихын яаралтай тусламж” сэдэвт эрчимжүүлсэн 3 өдрийн сургалт зохион байгууллаа.
Тус арга хэмжээнд Интермед эмнэлэг, ЭХЭМҮТ, ЭНЭҮТ, Нийслэлийн амаржих газрууд, Гурван гал эмнэлэг, Төв, Хэнтий, Дархан, Дундговь, Орхон, Завхан болон Өмнөговь аймгийн эх барих, эмэгтэйчүүдийн чиглэлийн 30 орчим эмч мэргэжилтэн оролцсон байна.
