Дэлхийн дүрс оношилгооны өдөр-ийн хүрээнд Интермед эмнэлэг болон Грандмед эмнэлэг хамтран гадаад хамтын ажиллагаа, эрдэм судалгааны ажлын хүрээгээ өргөжүүлэн тэлэх зорилгоор “Дүрс оношилгооны 7 хоног” арга хэмжээг амжилттай зохион байгууллаа.
Тус зорилгын xүрээнд Дүрс оношилгооны тасгийн эмч мэргэжилтнүүд харилцан туршлага солилцох, тусламж үйлчилгээ, технологийн сүүлийн үеийн мэдлэг, мэдээллээ хуваалцах, эрдэм шинжилгээ, судалгааны чиглэлээр хамтран ажиллах тухай хамтын ажиллагааны санамж бичиг үзэглэлээ. Ингэснээр хиймэл оюун ухаанд суурилсан Swift MR программыг ашиглан компьютерт соронзон резонанст томограф шинжилгээний талаарх хамтарсан судалгаа хийх боломжтой болж байна.