Интермед эмнэлгийн хүүхдийн тасаг нь 0-16 насны хүүхдүүдэд нотолгоонд суурилсан тусламж, үйлчилгээг эмчлүүлэгчийн аюулгүй байдлыг хангаж, олон улсын стандартын дагуу, батлагдсан удирдамж зөвлөмжийн дагуу үзүүлж байна:

• Амбулаторит ажлын өдрүүдэд, мөн амралтын өдрүүдэд батлагдсан цагийн хуваарийн дагуу үзлэг шинжилгээ, хяналт, өдрийг эмчилгээг
• Яаралтай тусламжийн тасагт 24 цагаар эмнэлгийн журмын дагуу хүүхдийн үзлэг, тусламж, оношилгоо, эмчилгээ, шинжилгээг
• Хүүхдийн хэвтэн эмчлүүлэх тасагт биеийн байдал хүнд, хүндэвтэр эмчлүүлэгчдийг хүүхдийн болон нярайн амьсгалын эмгэг судлал, харшил, дотоод шүүрэл, зүрхний, мэдрэлийн, хоол боловсруулах эмгэгийн нарийн мэргэжлийн эмчийн үзлэг оношилгоо эмчилгээний 2-р шатлалын тусламжийг үзүүлэн эмчлэн хянаж тусламж үзүүлдэг.

Тус тасаг нь шинэ төрсөн нярайг хянах, амьсгал дэмжих, фото эмчилгээ хийх аппарат тоног төхөөрөмж болон дулаацуулах ширээг цогцоор нь шийдсэн, орчин үеийн олон улсын эмнэлгийн практикт ашиглагдаж буй хамгийн дэвшилтэт аппарат, хэрэгслээр бүрэн тоноглогдсон.

• Сонсголын шинжилгээ, бамбайн дааврууд, түнхний болон зүрх, хэвлийн цуллаг эрхтнүүд, зулайн эхо шинжилгээ, уушгины багтаамж тодорхойлох зэрэг шинжилгээ, тусламж үйлчилгээг хамгийн сүүлийн үеийн тоног төхөөрөмжүүдийг ашиглан эрт үеийн илрүүлэх шинжилгээнүүдийг төрсөн нярай бүрт хийж хянадаг.

Хүүхдийн насны онцлогт тохирсон ор, сахиурын ор, хүүхдийн нас, оношинд тохирсон хоол, сүүний болон хөхүүлэх өрөө, тоглоомын хэсэг зэрэг хүүхэд, эцэг эхчүүдэд ээлтэй, тав тухтай орчныг бүрдүүлсэн.

Интермед эмнэлэгт хүүхдийн 7 төрлийн (Цэцэрлэгийн, Бассейнын, 2- 5 насны хүүхдийн, 6-12 насны хүүхдийн, 13-16 насны хүүхдийн, Таргалалтын, Харшлын) урьдчилан сэргийлэх үзлэгийн багц шинжилгээ хийж байна.